United Airlines ta haya schroef los den mas avion tipo Boeing 737 Max 9

NEW YORK – E aeroliña Mericano United Airlines a haya varios avion cu tin schroef los y otro problema di instalacion, durante nan investigacion. Asina e compania a raporta. E tipo di avionnan Boeing 737 Max 9 a keda inspecciona despues cu esun di Alaska Airlines a perde parti di e avion  durante un buelo riba e costa west di Merca den fin di siman. E agencia federal Mericano FAA a ground un cantidad grandi di e tipo di e avionan ey despues pa controla. Y awor ta ripara cu e control tabata necesario. No ta conoci den cuanto avion di United, a haya e problema di schroef los.