Cruise Critic: Eagle Beach ta e miho beach entre 10 destinacion Caribense

MIAMI/ORANJESTAD – Aruba su beachnan un biaha mas ta logra un posicion importante internacionalmente. E biaha aki ta e portal cruisecritic, ta pone Eagle Beach di Aruba como e number uno riba un lista di 11 beach den Caribe, cu ta inclui islanan bisiña Bonaire y tambe islanan grandi manera Jamaica y Barbados. Segun e articulo, ‘Eagle Beach ta un di e beachnan mas fotografia, y cu esaki ta logico mirando cu e ta un di e miho beachnan den Caribe’, e articulo ta sigui bisa. E articulo ta referi na e beachnan riba islanan cu bapornan crucero ta bishita. Despues di Aruba ta sigui St Kitts, Barbados, Martinique, Bonaire, St Thomas (2 beach), Tortola, St John, Cayman Islands, y na final Jamaica.   .