Empleadonan di Hilton Aruba cu iniciativa ‘Happy Clothing Drive’

PALM BEACH - Den e spirito di e tres letter R, cual ta Reduci, Reuza, y Recicla, empleadonan na Hilton Aruba a keda encurasha pa bay den nan closet y wak kico tur nan por trece cu ta paña cu no ta uza mas of articulona pa mucha. Esaki ta pa bay na departamento di recurso humano cual na su turno lo bay cas cu algun cos nobo deposita pa otro miembronan di e team.

E clothing drive a tuma luga durante prome dos siman di november. Tur articulo cu a bini cu ne a haya keda sortia segun tipo y size anto empleadonan a haya invitacion pa ‘shop’ libremente y bay cu algun cos.

E di tres edicion di e Clothing Drive tabata bon ricibi pa e empleadonan. E resort previamente a organisa eventonan similar como parti di un programa pa Back to School, haciendo esaki di tres rond.
E team di Human Resources a expresa nan gratitud pa e exito di e iniciativa aki.

Clothing Drive a consisti mayoria di paña pa baby, material di cas, y algun otro articulonan casi nobo cual a haya un chens nobo den bida pa medio di haya un upcycle pa un otro adres. Empleadonan a declara cu tabata miho cu nobo y tabata encanta di por a mantene nan faboritonan pa mas largo, reduciendo e necesidad pa bay cumpra cos totalmente nobo despues di tempo atrobe.

Eugenille de Marchena, Human Resources Manager a bisa cu e intercambio di paña aki tabata un evento cu a keda integra den e calender di actividad anual di e resort, y cu nan ta extremadamente satisfecho cu e resultado y alegria cu esaki ta trece na su empleadonan. Un manera hopi bunita pa comparti abundancia cu nan coleganan.