Senador di PVV van Strien apunta pa sondea posibilidad pa forma gabinete nobo na Hulanda

DEN HAAG - Gom van Strien di partido PVV a keda apunta como ‘sondeador’ den e prome fase di e formacion di gabinete. E ta miembro di Eerste Kamer pa PVV pa 12 aña caba. Riba peticion di PVV y aprobacion di otro partidonan, e ta bay investiga cua coalicionan ta posibel y riba kico e prome combersacionan mester tuma lugar cu e lidernan di fraccion. Casi tur lider di fraccion a bay di acuerdo cu excepcion di partido Denk.