E di 35 edicion di Drempel di fin di Aña ta cuminsa diabierna awor

ORANJESTAD - Riba e di dos Diabierna di luna di October, manera el a bira un gran tradicion di hopi aña caba, e programa radial cu ta hala atencion grandi y cu ta marca e inicio di e temporada festivo aki, esta Na Drempel Di Fin Di Aña ta bay cuminsa. E aña aki, ta un celebracion hopi mas special pasobra ta bay recorda cu e programa a start trinti cinco aña pasa, kiermeen ta bay ta algo mahestral! Mester bisa cu esaki ta e programa di Radio mas anticipa di henter un aña. 

E biaha aki nos tin como tema: Gratitud ta e palaba MAGICO 

E aña aki tey bira mas interesante pasobra esaki lo ta e ultimo edicion cu Erin mes lo presenta.

Tur aña e oyentenan fiel ta den espectativa pa sa kiko e programa Na Drempel Di Fin Di Aña tin pa

presenta pa su fiel oyentenan.

Locual ta hasi e programa aki unico ta su seccionnan original, idea y premionan special cu e show ta

trese cune, manera “E storia pa Inspira” y “Ora Classico”. Otro seccion cu tambe a bira masha gusta

y popular e ultimo añanan ta “Arubanita” cu lo tey un biaha mas. Lo reparti varios premio cash como tambe e SANTA BASKETS cu lo keda reparti mey mey di fiel oyentenan. 

Nos HEROENAN SCONDI

Un segmento nobo cu nos lo trece dilanti ta e buskeda di e Heroenan scondi cu nunca ta haya reconocimento of premio, pero ta contribui, coolabora na nan forma cu e bienestar di esnan mas vulnerable. 

Si bo conoce un persona asina cu nunca gusta of ta bin dilanti, conta nos programa di esaki pa medio di un carta, of email y manda esaki pa nos na nos pagina di NA DREMPEL DI FIN DI AÑA of na e email Na Drempel@gmail.com. 

Diabierna 13 di October ta e fecha inicial di e programa tan gusta y stima pa grandi y chikito esta Na Drempel di fin di aña na unda lo tin hopi premio y bunita sorpresanan manera ta custumbra. 

Arubianonan den exterior y rond mundo completo por aprecia e show tanto live como riba Radio y social media esta riba Na Drempel di fin di aña.