- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Carchi ta cabando pa wak comediante Marko en bibo na Aruba
(ADVERTORIAL)
ORANJESTAD - E reaccion di parti di publico na Aruba pa asisti na e show ‘El Poder de un Chisme’ di e comediante Marko ta simplemente surpasa tur expectativa. Faltando poco mas di un siman, por anticipa caba cu e benta di entrada pa e espectaculo aki den Renaissance Wind Creek Convention Center 1 di october proximo, lo conoce un sold out den e proximo dianan.
Esun cu no probecha aworaki, probablemente lo keda afo, similar na loke a pasa den su prome presentacion bek na 2019. Esey ta loke e compania promotor a indica despues di a haya nan mes obliga di amplia e seccion di mesa VIP pa cumpli cu e demanda. Actualmente ta keda cantidad limita pa otro seccionnan manera Bronze, Plata y Oro.
Marko ta un di e comediante y influencernan di mas grandi di e rednan social. E tin riba 30 miyon di siguido entre Facebook, Instagram y TikTok. Regularmente e ta colabora cu otro celebridad manera Chayanne, Carlos Vives, Alexis y Fido, Gianluca Vacchi, José Luis “El Puma”, Jason Derulo, Eugenio Derbez, Oscar de León, De La Ghetto, cu kende el a graba video hunto.
Marko ta bibando un di su miho momento na nivel profesional y e ta hopi den demanda, pa cual tabata dificil di a haya un fecha pa Aruba, y lo ta imposibel pa hay’e haci un show adicional. Ni di papia di ki dia e lo por ta bek na Aruba. P’esey mes ta recomenda un y tur pa no warda mas y busca nan entrada lo mas lihe posibel.
Esaki ta posibel a traves di markoenaruba.eventbrite.nl, como tambe na Super Food y na Espiga de Oro pa e seccion di Plata y Bronze, mientras cu pa cumpra mesa of stoel na un mesa combina den seccion VIP Oro por manda un mensahe di whatsapp na 592-5069 of pasa na sede di emisora Caliente FM na Windstraat, Oranjestad.
Prepara pa un dosis di harimento total. Lo ta un anochi inolvidabel yen di humor, musica y diversion. E espectaculo aki lo ta combina cu presentacion di dos set di e agrupacion local Rumba Caribeña pa los e pianan tambe.
In Memoriam: Fransisco “Tico” Kock, pionero di e musica di steelpan aki na Aruba
ORANJESTAD -- Fransisco “Tico” Kock a nace dia 4 di maart 1959 den e bario di Paradera. Tico tabata un gran amante di e musica di steelband. Den añanan 1967/1968 Tico tabata bay wak un grupo di steelband train, cerca di su cas. El a invita su amigonan di bario pa nan tur bay wak e steelband di bario aki toca. Asina nan interes pa siña toca steelpan a bira grandi cu casi tur atardi nan tabata bula den e barak, unda e steelpannan aki tabata warda, pa nan bay practica scondi, sin cu e doño di e steelband tabata na altura. Despues cu e grupo di bario aki a haya steelpannan nobo nan a regala e muchanan di bario (esta Tico y su amigonan) esunnan bieu y asina nan a cuminsa practica y toca hunto tur atardi despues di scol. Na aña 1970 Tico hunto cu su amigonan a lanta nan prome grupo di steelband cu ta hiba e nomber di ”Jump and Smile” y no a dura mucho cu nan a cuminsa cu nan prome shownan den hotel. Y desde e tempo ey te cu awe, Tico tabata toca den e hotelnan treciendo su musica di steelband pa tur e bishitantenan cu tabata bin Aruba. Na aña 1975 el a lanta e steelband “Sunny Island” y algun añas despues el a bira “Touch Of Steel” cu te awe ta activo den nos hotelnan.
Pa prome bes Hospital tin su reina di carnaval, Darlene Laveist pa Carnaval 70
ORANJESTAD - Diabierna ultimo Horacio Oduber Hospital a organisa su prome eleccion di reina di carnaval y e ganadora maximo a keda den persona di colega cu a representa Recuro Humano Darlene Laveist. Banda di a bira HOH su prome reina di carnaval Darlene a bay tambe cu e titulo di Best show. Un anochi yena di creatividad, talento, colegialidad y ambiente di carnaval unda talento a sobresali di 6 colega cu a bay representa nan departamento di HOH. Un evento cu a ranca sali cu un apertura di kita sombre hunto cu e candidatanan na Centro di Bario Playa Pabou y e ambiente no a para te laat unda a sera a anochi cu un Jump-In! Pabien tambe ta bay pa colega di ICU Jourainne Halabi cu banda di ta prome finalista di HOH pa carnaval 70 tambe a bay cu premio di Best Dress. Colega di departamento A2 Roldemn Mayol a bay cu premio di Best speech y tambe e premio di Mas Popular.
Stichting Ambiente Feliz awor cu mihor cuido cu patiëntenlift y schaal digital di Kondra
ORANJESTAD - Stichting Ambiente Feliz, un fundacion dedica na brinda cuido na personanan ku desabilidat mental of fisico severo, tabata en buska di sosten finaciero pa por logra cumpra ekipo esencial pa mehora e calidat di cuido cu nan ta ofrece na su clientenan
Exitoso Community Building Event: Let’s connect! – Ban conecta! organisa pa Cede Aruba
ORANJESTAD – Recientemente a tuma luga na Renaissance Convention Center e prome Communty Building Event “Let’s Connect! – Ban Conecta!” organisa pa CEDE ARUBA den cuadro di proyecto BARiO UNICO.
The Ritz-Carlton, Aruba ta celebra nan 10 aniversario y honra tur e damas y cabayeronan pa un decada di servicio excepcional
Ambiente di Fin di Aña na rotonde di Seroe Blanco cu SETAR
Follow NoticiaCla
