Dos cas den tempo cortico tras di otro tabata na candela na Dakota

ORANJESTAD – Diaranson mainta net prome cu 11 or a drenta melding cu tin un cas na candela na Tamarijnstraat # 2 banda di Toko Dakota. Un persona cortando mata dilanti a e cas a wak huma a cuminsa sali. Mester bisa cu esaki ta e di dos cas den menos di dos ora cu tabata na candela den e mesun area. Algun rato prome na Rondweg tambe tabatin un candela na un cas bandona. Polis lo tabata buscando un persona cu nan a wak ta cana rond den e area, cu posiblemente lo por ta e persona responsabel pa e candelanan aki.