Departamento di impuesto Hulandes ta bay cobra 35 mil comerciante, debe di impuesto di pandemia bek

DEN HAAG – Departamento di impuesto Hulandes ta cuminsa cobra 35 mil negoshi, debe di belasting incuri durante e pandemia entrante awe.  E cobransa lo tuma lugar den fase unda cu e comerciantenan ta haya chens pa ayudo. E grupo di cobrador por haya ayudo tambe di deurwaarder. Esey secretario di estado demisionario pa impuesto y fiscalidad Van Rij a informa Tweede Kamer via un carta. E luna aki lo manda mas carta di cobransa pa negoshinan cu tin retraso structural di atraso di impuesto. 

DEBE PANDEMI

Desde cu e pandemia a cuminsa na maart di 2020, un total di 400 mil comerciante a haya tempo pa paga impuesto mas laat di 47 biyon di euro. Esaki tabata necesario pa por a sostene e comerciantenan den e tempo dificil. E plan tabata cu mester a cuminsa paga e debe bek na October di 2022, y a haya 5 aña pa haci e pago. Ora cu e regla di pago bek a cuminsa, tabatin un debe habri ainda diu 19,6 biyon. E cifra mientrastanto a baha te na 14,8 biyon. Cerca e 35 mil comerciante cu ta bay cobra bek awor, a revoca e regla di pago laat. A manda varios carta di recordatorio, pero no a haya contesta riba esaki. Di 226 mil persona cu un areglo di pago, 91 mil ainda no a paga tur cos, y 43 mil a haci ni un pago. Ta trata di companianan chikito cu tin un debe di menos cu 10 mil euro. 

 .