Wopke Hoekstra entrante awe no ta minister mas na Hulanda

DEN HAAG – Entrante awe Wopke Hoekstra (CDA) no ta minister demisionario Hulandes mas di Relacionan Exterior. E mandatario a entrega su retiro na Rey Willem Alexander. Hoekstra ta candidato pa bira comisario di Comision Europeo pa Clima. E kier tuma e tempo siguiente pa por prepara su mes riba e cambio. Dentro di poco lo tin un session den Parlamento Europeo pa trata su candidatura. E posicion di minister temporalmente lo wordo ocupa pa minister di Desaroyo  Liesje Schreinemacher (VVD). Ta e intencion si pa dentro di poco CDA mes postula un candidato nobo, pero esey por dura un poco.