Hulanda tin escases di vacuna contra ‘rabia’ y no por vacuna awor

AMSTERDAM – Hulanda tin escases di vacuna contra malesa di ‘rabia’ (rabies). E problema ta e entrega di dos productor di e vacuna. Un productor por entrega e vacuna te januari 2023 y e otro debi na demanda grandi, no por maneha e volume grandi di pedido. E dosis cu ainda ta disponible, ta wordo reserva pa hende cu durante nan biahe a haya un incidente (cu cacho) y cu mester di mas tratamento. GGD ta conseha biaheronan pa check si nan por haya e vacuna prome cu nan biaha.