Sospechosonan di Corsou, Urvin ‘Nuto’ Wawoe i Dennis Goedee ketu bai ta resistí ekstradicion

WILLEMSTAD  – Siman pasá un di e tres ulandesnan detené na República Dominicana Richard de Vries a disidí boluntariamente pa su ekstradishon pa Ulanda, kaminda ku e tin di sinta un kondena di 5 aña i 6 luna. De Vries tin di kumpli ku un kondena pa trafikashon di droga i labamentu di plaka.

E di dos Sala Penal di Korte Supremo di Hustisia na República Dominicana a ordená e ekstradishon di Terence Angelo Richard de Vries, despues di a aseptá e huisio, pa e kontestá boluntariamente pa e echo pa kua el a ser kondená.

Richard de Vries, kende tabata asistí pa su abogado José Rafael Ariza, a pidi e tribunal presidí pa Francisco Jerez Mena pa laga konstatá ku el a aseptá di bai boluntariamente.

Richard De Vries a konfirmá via un intérprete hudisial ku nan tabatin e boluntat firme pa kumpli ku e sentensia ku a ser imponé riba dje, despues di insistí ku nan desishon a ser tumá sin preshon.

Awor ta keda solamente pendiente Presidente Luis Abinader firma e dekreto ku ta outorisá su ekstradishon pa Reino Hulandes, ku tambe ta eksigí ekstradishon di Urvin Laurence Wawoe, alias Nuto i Dennis Goedee, tur dos enkarselá den prisòn di ‘Najayo-Hombres’.

Manera ta konosí, e oudiensia di e dos ulandesnan aki a keda suspendé te ora ku e ehekutivo a disidí riba e venga (wraak) e Fiscal General di Repúblika, Miriam German Brito i tur su diputadonan. E petishon a wòrdu hasí pa e Ministerio di Kooperashon Internashonal i Ekstradishon di e Prokuraduria General di Repúblika, presidí pa E Sup Prokurador Andrés Chalas Velásquez.

Dia 26 di yanüari di aña 2018, Richard de Vries a keda kondená den Korte di Promé Instansia di Amsterdam na sinku aña i seis luna i den Apelashon dia 8 di òktober 2019. NOTA: Texto ta scirbi den Papiamento fonetico di Corsou.