Candela a destrui gran parti di un cas na Rooi Prikichi awe mainta

ORANJESTAD – Awe mainta autoridad a bati alarma pa un cas na candela na Rooi Prikichi 12. Ora cu bomberonan a yega cu nan prome unidad, a pidi pa mas refuerso mirando e cantidad di huma y candela cu nan a bin haya. Ademas a pidi presencia di ambulance tambe pa asisti algun habitante di e cas. No por a saca afo ainda unda e candela a cuminsa y kico tabata origen di e candela, pero gran parti rond di e cas tabata na candela, manera e potret di drone di noticiacla ta mustra.