Saudi Arabia ta sigui cu e oferta biyonario pa adkeri futbolista Frances Mbappé

RIYADH – Ainda no ta sigur si e futbolista professional Francers Kylian Mbappé ta bay hunga bala na Saudi Arabia of no. Pero e oferta di un biyon di euro (e suma di transferencia y salario) pa un aña ta indica si e hecho cu e pais Arabe kier pasa e frontera pa realisa su ambicionan. Loke ta resalta ta cu e oferta aki ta valido solamente pa un temporada, cu ta algo inusual den e mundo professional di futbol. Si Mbappé acepta, e ta forma parti e ora di e lista di hungadornan professional cu a bay e pais Arabe, manera Cristiano Ronaldo, Karim Benzema, Ngolo Kanté, Roberto Firmino, Kalidou Koulibaly, Edouard Mendy, Marcelo Brozovic, Sergej Milinkovic-Savic, Ruben Neves, Steven Gerrard y esun mas recien Jordan Henderson.