MAS y ACCION21 kier claridad riba negosacion entre Hulanda y Aruba riba RAFt

ORANJESTAD – Partidonan politico MAS y ACCION21 a pidi un reunion publico cu e unico punto di agenda, clarificacion riba e negosacion entre Aruba y Hulanda riba e ley di Reino pa supervision financiero conoci como RAFt. Esaki lo mester sosode unabez cu e periodo di reces termina den e di dos mitar di luna di augustus proximo. Segun lider di partido MAS Marisol Lopez Tromp, tin mucho incertidumbre rond di e tema aki y como tal e dos partidonan kier clarificacion riba esaki. Segun Lopez Tromp, ‘recientemente Minister - President a benta 'culpa' riba e mayoria den Parlamento di Aruba cu ta contra supervision financiero por medio di e RAFT’. “Ora cu a puntra Minister - President tocante e hecho cu Hulanda a pone como condicion pa refinanciamento cu Aruba lo mester tin supervision financiero den forma di e Rijkswet Arubaans Financieel Toezicht, e la referi cu fraccionnan di MAS y di ACCION21 te uniconan cu ta sostene/PRO supervision financiero por medio di un RAFT y esaki nos a pone bon cla por escrito tambe y tambe nos a pone nos preguntanan y sugerencianan por escrito” Lopez Tromp a sigui bisa. Segun e lider di partido MAS, si minister president Wever Croes ta consistente, e ta pro e RAFT, ya cu e tawata e prome cu a firma y bai di acuerdo cu esaki den nomber di Aruba.”

Loke ta keda misterioso ta kico e ta negoshando y palabrando como Gobierno, cu tin consequencia pa futuro di Aruba. Pesey nos a pidi un reunion publico” e parlamentario a finalisa bisando.