Lider di partido Hulandes D66 Kaag tambe a anuncia retiro di politica

DEN HAAG – Lider di partido politico Hulandes D66 Sigrid Kaag a anuncia su retiro di politica y como tal no ta bolbe como lider di e partido pa e proximo eleccion di Tweede Kamer. E la anuncia esaki diaranson anochi durante un entrevista cu e portal Hulandes Trouw. Gran parti di su decision tin di haber cu su famia, y con esaki a biba durante e periodo cu e tabata mandatario. Menasanan constante di morto, insulto y mas e mester a soporta, y pa su famia esaki a bira dimas. E ta keda si como minister demisionario di Finanza te ora cu un gobierno nobo keda forma. Esaki por dura manera cu e gabinete actual a dura pa keda cla cu su formacion. Cu e retiro di Kaag, esaki ta bira e di tres partido cu ta keda sin lider despues cu gabinete Rutte 4 a cay siman pasa diabierna.