Wopke Hoekstra no ta bolbe como lider di partido CDA den proximo eleccion

DEN HAAG - Prome cu premier Mark Rutte a anuncia su decision dialuna cu e no ta bolbe den eleccion proximo, tabata actual minister di relacionan exterior Wopke Hoekstra cu a anuncia cu e no ta bin bek como lider di partido CDA den e proximo eleccion. E la confirma esaki na e portal di noticia Hulandes Telegraaf. E ta considera su mes mas como un gobernante cu un politico di profesion. Hoekstra a bira lider di partido na 2020 ora cu Hugo de Jonge a retira despues di un eleccion unda cu apenas e la gana e confiansa.