Reunion di ultimo ora di minister a causa tardansa pa reunion riba BBO na frontera

ORANJESTAD – E reunion parlamentario pa trata e ley pa cobransa di BBO na frontera a conoce un retraso di ultimo ora diaranson mainta. Segun president di Parlamento Edgar Vrolijk, e motibo tabata pasobra e ministernan en cuestion a bay den un ‘beraad’ di ultimo ora pa asumi e ultimo possible cambionan na e ley aki. Esey a pone cu a pospone e reunion y a ‘dagvaard’ tur parlamentario pa 11’or envez di 9’or awe mainta. Anteriormente a pensa cu tabatin problema cu quorum, ya cu algun partido a yega laat.Pero segun e presidente, ta e reunion a cambia tur cos awemainta, y no ta pa motibo di quorum, pasobra tur parlamentario ta presente, incluyendo Setty Christiaans, cu pa algun tempo tabata malo.