A pospone fecha pa introduci BBO na frontera awor pa 1 augustus 2023

ORANJESTAD – Un biaha mas gobierno di Aruba a haye ta pospone e fecha pa cuminsa introduci cobransa di BBO na frontera. Diahuebs e mandatario di finanza Xiomara Maduro a confirma loke tabata mustra un hecho caba, esta cu no ta logra pa introduci e cobransa na frontera entrante 1 di juli, pasobra e ley no a keda trata ainda. Inicialmente mester a introduci e ley aki dia 1 di juni ultimo. Esey no a logra pasobra e ley no a ni yega Parlamento. E momento ey presidente di Parlamento Edgard Vrolijk mes a confirma cu e tratamento lo no logra y cu e ta bay e ora pa e proximo luna. E ley a yega Parlamento pero no a keda cla pa trata esaki toch y mirando cu diasabra ta 1 di juli, a opta pa pospone e fecha pa di 3 biaha, y awor a pone e fecha di introduccion pa 1 di augustus proximo. Ademas a sigura cu a haci mas adaptacion na e ley manera cu gremionan a solicita.