Total Finance ta anuncia un cambio di Imagen y Nomber

(ADVERTORIAL)

Oranjestad, Aruba 29 di juni 2023 – Total Finance, un compania local cu ta brinda e comunidad  di Aruba  cu servicionan financiero pa mas cu 40 aña, a anuncia ayer a noche,  durante nan rebranding event cu nan ta cambiando nan imagen y nombre pa miho refleha nan balornan y vision pa futuro.    

E cambio di imagen aki ta inclui un cambio den nomber, un logo nobo, color an vibrante  y un “look and feel” moderno pa su 3 sucursalnan. 

Entrante awe Total Finance lo haci e cambio pa TOTAL, esaki ta pa por identifica nan mes miho den nos comunidad y alaves alinea cu nan modelo di negoshi cu ta ampliando y diversificando.  E logo nobo ta trece cun’e un toke moderno; simpel y accesibel den su diseño y ta incorpora elementonan di e diseño anterior pero  na mes momento ta señala un comienso nobo cu un enfoke ariba inovacion  y satisfaccion di cliente. 

“Nos imagen nobo ta refleha nos compromiso pa inovacion y servicio financiero accesibel. Pasobra nos ta kere cu tur hende mester tin e mesun oportunidadnan”   Esaki ta e pensamento di Ronald van Trigt, director di TOTAL. “Nos ta ansioso pa cuminsa cu e capitulo nobo aki di TOTAL y nos ta determina pa sigui brinda e comunidad di Aruba cu e miho servicio y producto y na mes momento creando un impacto positivo riba nos comunidad.“ 

TOTAL ta un compania local cu t’ey pa yuda nos localnan inverti den nan vision pa asina logra haci nan soñonan realidad. 

Cu e cambio den imagen aki TOTAL ta compromete su mes na inovacion y satisfaccion di su clientenan.