Van Huffelen: Aruba kier landsverordening, Hulanda kier RAFT pa supervision financiero

DEN HAAG – Contrario na loke Tweede Kamer su miembro di VVD a alega e siman aki, semper Aruba tabatin posibilidad pa fia placa riba mercado internacional, claro cu interes mas halto. Asina secretario di estado Hulandes Alexandra van Huffelen a bisa Noticiacla diabierna mainta durante un session di pregunta. E pregunta tabata, scuchando argumento di e miembro di Tweede Kamer e siman aki durante un debate riba e tema di RAFT y e debe di Likides, cu e miembro no tabata contento cu e mandatario a dicidi di ‘cambia di pensamento’ y permiti pa Aruba fia riba mercado internacional y asina ‘evita’ cu mester firma e ley di Reino pa supervision financiero. Rba esey tambe e mandatario a subraya cu mientras cu Aruba kier usa e ley ‘regular’, (landsverordening), Hulanda ta insisti cu e mester ta a base di un ley di Reino pa asina no por mete mas internamente cu e ley, manera cu a haci den pasado cu e LAFT. E mandatario a sigura cu na comienso di juli, e ta na Aruba atrobe pa sigui riba e tema ey cu e mandatarionan local. E entrevista completo lo pasa riba Noticiacla.com su plataformanan (Facebook, website y app) pa 3pm di atardi awe diabierna!.