OM: Mas hende a keda deteni pasobra no por a paga nan multa

ORANJESTAD – Dos ciudadano mas a keda deteni pasobra nan no por a paga nan multa habri, ora cu a bin cobra nan na nan cas. Asina vocero di Ministerio Publico (OM) Ann Angela a raporta e siman aki. Mes momento a raporta cu a bishita 50 cas den un dia, cu ta 20 mas cu e prome dia cu a cuminsa cu e operacion di cobra multa atrasa (dialuna). Manera ta conoci pues, e siman aki OM hunto cu Cuerpo Especial Arubano (CEA) ta bezig ta cobra debenan di multa.  

RIBA CAYA HENTER DIA

E dos teamnan di CEA ta sali riba caya di 6’or di mainta pa 12’or di merdia. Un team ta pariba di brug y e otro ta pabao. E teamnan a bishita casi 50 adres diamars riba henter Aruba y a detene 2 persona. Y un dia prome a bishita 30 cas y detene 3 persona. Nan ta bay KIA mesora pa sinta nan castigo di prizon. ORA DI OFICINA

Den cuadro di e accion aki OM ta habri henter dia te 3.30’or di atardi (tambe durante lunch) pa acomoda hende cu ta desea pa bin paga. Riba diabierna lo ta habri te 12’or di merdia. A sigura cu no tin mester di haci afspraak. Hende por gewoon cana kibra sin afspraak. Y hasta a haci excepcion riba nan mes regla y a cuminza tuma cash! E siman aki so si.

SAN NICOLAS

OM ta presente na Warda di San Nicolas di 8’or di mainta pa 12’or di merdia (e siman aki so), anto clientenan por pasa y paga. Un di e coleganan ta na San Nicolas pa atende cu cliente y nan por swipe of paga cu cash. Tur dia lo tin actualisacion di cuanto hende a wordo bishita y si tabatin mas detencion.