Segun minister, e siman aki tin claridad riba proyecto pega den Columbusstraat

ORANJESTAD – E siman aki tin claridad riba e situacion di construccion na e.o. Columbusstraat despues cu e proyecto actual a pega pa varios motibo. Minister di Economia Geoffrey Wever cu ta lidera e proyecto aki, a admiti dialuna den un conferencia di prensa na noticiacla cu e tabata un problema fastioso pero cu e siman aki lo tin claridad riba e situacion. Pero, ainda e no por a duna un fecha nobo pa cual e proyecto en cuestion lo keda completa. E ta premira cu ora cu e reunionan e siman aki tuma lugar cu esnan envolvi, cu e lo por tin mas informaion y comunica publicamente di un fecha nobo pa cual e proyecto aki lo keda finalisa. 

50 DIA

Inicialmente ora cu a anuncia e proyecto, a sigura cu esaki lo a keda cla den 50 dia, pero na caminda a bin confronta cu cierto problemanan y sorpresa structural cu a pone cu e proyecto rapidamente a conoce un retraso