Di 5 edicion di Long Table Aruba a genera 60 mil dollar pa 6 fundacion di Aruba !

ORANJESTAD –   Long Table Aruba, un evento culinario caricativo presenta door di Wind Creek Aruba un biaha mas a surpasa tur expectativa celebrando e di cinco  edishon diadomingo ultimo. E unico cena balora na $50.000 pa Aruba, Long Table a presenta un cena completamente na blanco na 1000 persona y anuncia 6 ganador e aña aki

E aña aki mas cu 40 organisacion local cu ta representa sea cuido di bestia, servicionan di cuido humano, salud, humanidad & arte, educacion & hubentud a inscribi pa participa na e e video contest organisacion a entrega $10.000 na kada un na 5 organisacionnan (un for di cada categoria). Pueblo di Aruba a vota pa nan video favorito. 

E mission di Wind Creek ta, pa ta presente y envolvi den e comunidad cu nos ta biba y opera aden asina Sr. Paul Gielen, General Manager di Wind Creek Aruba a declara. E evento aki ta un celebracion di nos proposito y e aña aki Long Table Aruba a surpasa tur expectativa. Mi no por ta mas orguyoso di tur loque nan a logra diadomingo nochi y con nos comunidad a bin hunto pa sostene e instancianan caricativo.

Wind Creek Aruba, tabata sumamente orguyoso di reconoce e organisashonnan lokal cu constantemente ta hasi un esfuerso pa mehora nos isla", asina a bisa Sr. Paul Gielen, Gerente General di Wind Creek Aruba. "E evento aki a duna nos un oportunidad pa no solamente disfruta di un anochi memorable, pero tambe pa bisa danki na tur lidernan di e organisacionan comunitario cu ta duna nan tempo y esfuerso pa sostene nos comunidad di Aruba tur dia 

E ganadornan di e concurso di video di Long Table Aruba 2023 ta esun siguiente:

Categoria di Cuido di Bestia - Stichting Turtugaruba

Categoria Servisionan di Cuido - Stichting Micky's Foundation Aruba

Categoria Salud - Grupo Curason Jong Paradera

Categoria Humanidad &  Arte - Creative Arts Aruba Stichting

Categoria Educacion di Hubentud - SC United

Den e celebracion di e seis aña di aniversario di e aquisacion di Renaissance Aruba, Wind Creek Hospitality tambe a otorga $10,000 na e seis organisacion, Brighter Future Academy Foundation, cu a ricibi e siguiente cantidad mas haltu di votonan den tur categoria

Desde e prome dia di Wind Creek na Aruba na anja 2017,  a yuda den temponan dificil, esaki ta un di  e pilarnan di e operashon di Wind Creek Aruba su propiedadnan. Te cu awe. Wind Creek Aruba a logra recauda mas di $225.000 atraves di nan eventonan local manera Long Table Aruba & Winter Wonderland y lo sigui brinda e hospitalidad & donacion  na organisacionnan cu ta den necesidad 

Sr Gielen ta splica cu nan tin suerte di tin un team na Wind Creek Aruba cu ta dedica di uni forsa pa por produci un evento exepcional cu ta honra nos comunidadlocal na Aruba. Nan ta spera di a laga un impacto positvo na tur persona cu a atende e evento como tambe na tur e patrocinadornan cu semper tawata porta habri pa contrubui cu eevento pa di cinco aña caba.