Conocido personahe den farandula y Catochi na Corsou, 'Joe Black' a fayece

WILLEMSTAD – Conocido rifero y fundador y ex doño di varios banda popular manera ERA Autentico y Gibi y su Orchestra Nelson Farrah, conoci como Joe Black, a fayece awe marduga. Tabatin varios rumornan e dianan aki cu e lo a fayece anteriormente, pero esaki no tabata e caso. Sinembargo awe marduga si, e la bay sosega na hospital, rondona pa familiarnan. 

Joe Black tabata un nomber grandi den farandula, debi cu e la financia comienso di varios banda cu awe ta bandanan legendario, manera ERA y GIBI, y tabatin mas cu e la yega di yuda financia y lanta. Ademas e tabata conoci den e mundo di Catochi, hunto cu un otro conoci den e mundo ey, esta Robby Dos Santos.