Concepto di ley di BBO na frontera a yega Parlamento ‘porfin’

ORANJESTAD – E ley di BBO na frontera ta premira pa drenta na vigor 1 di juli di e aña aki. Diabierna ultimo e concepto di ley a yega Parlamento y a cuminsa pasa riba dje pa por e.o Parlamentarionan manda pregunta pa Gobierno. Asina minister di finanza Xiomara Maduro a bisa dialuna den un conferencia di prensa riba e tema. Tabata intencion pa pasa e ley prome cu 1 di juni 2023 pero esaki no a logra. BBO ta habri frontera pa introducion di BTW na Aruba segun e mandatario. 

BTW MESTER TIN UN SOLO TARIFA

Segun minister a scucha mundo comercial pa subi BBO cu 1% y introduci esaki na frontera pa crea un level playing field pa tur hende contribui mescos pa productonan comercial y promove e compliance. BBO na frontera tin su efecto inflatorio, pero esaki ta premira na 1.4% cu ta hopi menos di e.o. 5% si a bay over na introduci BTW, segun e mandatario. A sigui tambe e liñanan di IMF e mandatario a sigura, y no a inventa cos. 

TEMPO NOS DILANTI

Ta bay sigui cu BBO na frontera pa laga esaki draai pa algun aña pa tur hende custumbra cu e mimica di BTW. Esaki ta e antesala, di loke mester bira introduccion di BTW despues.