- Departamento di Progreso Laboral (DPL) cu campaña pa entrega Formulario AMR 2023 den luna di Juni 2023
- Directie Financiën ta informa di e condicionan ora di trata cu cobransa pa instancianan di Gobierno
- Foyeto Abo ta bay studia dentro di poco na Hulanda – con pa registra den BRP
- DUCAPRO a presenta un plan pa promove e industria creativo y proteha e artistanan
- E prome barco di fruta y berdura di Venezuela ta yega Aruba dialuna awor
Joran vd Sloot lo no bringa su extradicion pa Merca
LIMA – E sospechoso di desaparicion di e Mericano Natalee Holloway na 2005 na Aruba y sentencia pa morto di Peruana Stephany Flores na 2010, Joran van der Sloot no ta bay bringa su extradicion temporal pa Merca. Asina su abogado Maximo Altes a confirma diahuebs. Es mas, vd Sloot lo ta ancioso pa ‘limpia su nomber’ argumentando cu a pone un trampa pe pa haya placa for di famia di Holloway, segun su abogado, will not oppose his extradition from Peru to the United States. Mientrastanto e huez Mericano apunta pa atende cu e caso di extorsion na Merca, Karon O. Bowdre a retira di e caso y Ana Manasco a keda apunta como e huez nobo cu mester atende e caso.
PRUEBA
Den un entrevista cu e medio Mericano Daily Mail, Altez ta bisa cu vd Sloot ta sigura cu e no a mata Holloway y cu e kier proba cu e no a pidi e mama pa placa. “E ta realisa cu e por wordo absolvi di e cargonan” e abogado a bisa.
PROCESO DI EXTRADICION
E proceso di extradicion via agentenan di polis internacional, esta INTERPOL ta inicia awe diabierna, segun informacion for di Peru. No ta conoci ki dia vd Sloot lo biaha pa Merca, pero esaki por sosode dentro di 15 dia. Lo transferi vd Sloot prome pa e capital Lima, pa e haci un chekeo medico. Despues agentenan federal Mericano lo acompaña vd Sloot pa Merca. No ta conoci si esaki lo ta cu un avion comercial of un avion di gobierno Mericano. Unabez na Merca, ta premira cu e lo permanece eynan pa un periodo di 2 aña, pa e caso completo tuma su curso, incluyendo eventual apelacion si esaki ta necesario.
E CASO
Vd Sloot ta wordo acusa pa autoridad Mericano di extorsion di 25 mil dollar. Segun e informacion, vd Sloot lo a exigi 250 mil dollar Mericano a cambio di informa unda e la dera Natalee Holloway despues cu esaki a disparse na mei di 2005 na Aruba. E lo a ricibi un suma inicial di 25 mil y despues lo a haya mas di e famia. Esey no a sosode mas. Si vd Sloot keda sentencia pa e cargo aki, y esun di estafa, e por haya castigo maximo di 25 aña di prizon pa cada cargo, cu e tin cu sinta despues di sinta su castigo actual pa asesinato, na Peru. E castigo ey ta 28 aña di cual e la sinta 13 aña caba.
Ex gobernador di New Jersey ta haci intento nobo pa bira president di Merca
MANCHESTER – Ex gobernadro di estado Mericano di New Jersey Chris Christie lo anuncia su candidatura pa presidencia di Merca pa 2024 otro siman diamars. Ta su di dos intento, despues cu e no a logra na 2016. E biaha ey e la termina na di 6 lugar. Despues e la endorsa Donald Trump cu a bira presidente.
Joran vd Sloot a keda mal bati den prizon na Peru prome cu extradicion
LIMA – E sospechoso principal di desaparicion di e mericano Natalee Holloway, Joran van der Sloot, a wordo bati severamente den prizon na Peru unda cu e ta sinta castigo pa asesinato di Stephany Flores. Asina su abogado a bisa e cadena di television Mericano ABC NEWS. E abogado no ta kere cu e ta relaciona cu e extradicion di vd Sloot pa Merca e siman aki. E sospechoso ta wardando extradicion pa Merca riba cargo di extorcion y fraude di intento di beneficia financieramente di e desaparicion di Holloway na 2005. Awe por cierto ta cumpli 18 aña cu e Mericano a disparce na Aruba. Vd Sloot actualmente ta den e seccion medico di e prizon y a pidi su traslado pa otro prizon mas liher cu ta posibel.
Conocida cantante local Carolyn Kelly a fayece repentinamente na Spaña
ORANJESTAD – Conocida cantante di Aruba Carolyn Kelly (49) a fayece repentinamente na Spaña e siman aki. E famia diabierna a confirma e noticia lamentable aki. Kelly tabata na Spaña di vacacion cerca su yiu grandi, y aki tres dia lo mester a celebra su di 50 cumpleaños. Carolyn a traha su nomber cantando e.o. cu gaitas y tabatin varios cancion otro tambe riba su nomber. Ademas ta bon pa menciona cu e ta yiu muher di e conocido cantante Vicente Kelly (Dfm). Informacionan ricibi, ta bisa cu e tabatin problema cu su pancreas pa un tempo, pero no a haya solucion pa esaki. E portal 24ora ta raporta cu diripiente den un supermercado na Spaña, Kelly a dal abou y perde conocemento, pero ya no por a haci nada mas p’e. Noticiacla ta manda palabra di profundo pesame na famianan di Carolyn. Cu Carolyn sosega na paz.
Schlipken (ATA): Aruba y Colombia ta comparti lasonan di e.o. turismo, economico y comercial
BOGOTA - Na ocasion di 40 aniversario di A.T.A. na Colombia, director di A.T.A. Latino America, Jordan Schlipken a elabora riba e posicion importante cu Colombia tin pa Aruba y e conexion entre e dos paisnan. No tin ningun duda cu Aruba y Colombia ta comparti lasonan economico y comercial, cultural, di salud y mas cu claro - di turismo.
Altez: Fanaticonan rond mundo ta manda Joran vd Sloot placa tur luna
LIMA – E por ta cera den un prison teribel, y encarcela pa asesinato, pero asina mes e tin su fanaticonan rond di mundo cu ta mande placa tur siman, pa straño cu por zona. Hopi no por kere cu tin hende cu ta sostene, asabiendas di loke e ta cera pe y ta wordo sospecha ainda di dje. Otronan ta pensa cu aunke cu e ta cera, e ta keda un ser humano y cu e tin derecho pa tin algo di bida. Y a base di esey, e muhernan fanatico ta mande placa. E sospechoso principal di desaparicion di e Mericano Natalee Holloway, esta Joran van der Sloot, tin fanatico rond di mundo cu a mande un averahe di 400 dollar Mericano pa luna. Asina su abogado Peruviano Maximo Altez ta bisa. Segun e abogado, su cliente ta responde tur su fanaticonan femenino cu nan carta. “Tur su fanaticonan di henter mundo ta mande carta. Mi a huur un P.O. Box p’e pa e ricibi esey. Tin carta cu 10 euro, 20 euro, 5 dollar. Nan ta scirbie carta cu placa, y e ta contesta nan tur” Altez a bisa. Na tur mas of menos 400 dollar e ta ricibi tur luna di su fanaticonan.
E cantante legendario Tina Turner a fayece na edad di 83 aña
ZURICH – E cantante legendario Mericano Tina Turner a fayece diaranson na Suiza, na edad di 83 aña. E ta ganadora di por lo menos 12 premio Grammy’s, a presenta un carera musical electrificante pa mas di 5 decada y tabata adora pa su fanaticonan. Lo tin un entiero priva pa famia y amigonan cera di dje.
Follow NoticiaCla
