Tjon: ‘Placa pendiente ta riba cuenta di Cas di cuido Ambiente Feliz mas tarda mayan’

ORANJESTAD – “ E pago pa mantene Cas Briyante y Cas Blenchi habri a wordo ehecuta awe mainta”. Asina minister di asuntonan social Rocco Tjon a comunica riba su pagina di Facebook diahuebs. Despues di a confirma esaki cu e mandatario, e la splica na noticiacla.com mas aleu diahuebs cu “ den transcurso di awe tardi of mayan, e placa lo ta riba e cuanta di respectievelijk SVGA y Stichting Ambiente Feliz”. Cu esaki, e problema di placa mester ta tras di lomba. 

E PROBLEMA 

E siman aki e personal di cas di cuido pa anciano Cas Briyante a bati alarma informando cu gobierno a informa nan cu ‘no tin placa pa paga salario ni pa sigi cu e proyecto’. Esaki ta un asina yama verpleeghuis pa meervoudig gehandicaped na Sanicolaas. Segun un mensahe cu a yega cerca e portal aki, a splica cu ‘ e resto di placa pa 2023 mester a drenta 2de siman di april pero nada ainda”. E personal ta bisa cu a informa nan cu ‘tabata tin un "fout" cu nan a lubida di hinke’ den e begroting pa 2023’, osea a lubida di hink’e den presupuesto. 

NO TABATA SA KI DIA TA HAYA PLACA

Tambe e personal a bisa cu no tabatin contesta di ki dia e placa lo a pasa of si e lo pasa . “Pero ta un placa cu Gobierno a haña caba y awo no tey” nan ta sigura. Ayera tabatin un reunion planea pero e grupo no tabata sa kico tabata spera nan. E cas aki tin mas di 10 cliente ta biba aden y nan mester di cuido special. E minister responsabel pa esaki, ta sr Rocco Tjon.  

E REACCION PROME DI E MANDATARIO

“Nos ta bezig cu Directie Financien pa esaki tuma lugar ASAP” tabata e reaccion di minister di Asuntonan Social drs Rocco Tjon na Noticiacla diaranson mainta riba e noticia di problema di pago na e cas di cuido Ambiente Feliz. Noticiacla a raporta anteriormente cu e cas di cuido no a haya placa y tin problema awor. “Yes, e caso ta conoci pa nos” e mandatario a contesta e portal aki. 

FAYO

E la admiti tambe cu tabatin un fayo haci, pero cu ta wordo coregi aworaki. “Conseho di Minister a tuma decicion pa eenmalig aporta cu e fondonan cu tin mester. Y aworaki ta bezig cu Directie Financien pa e pago tuma lugar”e mandatario a sigui bisa. “Door cu den subsidie aanvraag pa 2023 no a tene cuenta cu esaki. Pa e motibo ey e sosten lo ta eenmalig y e stichting lo mester tene cuenta cu esaki aworaki si pa nan aanvraag na 2024” e minister a continua bisando. Ademas e mandatario a bisa cu mirando e suma cu ta uno cuantioso, di 700 mil florin, e fondonan lo bin di diferente Ministerio. Riba e pregunta, con lihe e trahadonan lo por ricibi nan placa, e mandatario a bisa “Nos ta bezig cu Directie Financien pa esaki tuma lugar ASAP”. Awe tardi e la confirma cu mas tarda mayan (diabierna:red) e placa lo ta riba e cuenta corecto.