Director di DIP Haime Croes a haya toegang ontzegging

ORANJESTAD – Director di Directie Infrastructuur en Planning (DIP) Haime Croes a haya un toegangontzegging pa e departamento. Minister di infrastructura Evelyn Wever Croes cu ta responsabel pa e departamento, a confirma esaki dialuna mainta pa Noticiacla.com. E la sigura cu mas laat den dia, lo tin un comunicado oficial riba e tema aki. Mientrastanto por raporta cu inicialmente conforme e LMA, e toegangontzegging ta pa un periodo di 6 siman. Durante e tempo aki lo tin investigacion necesario cu lo tuma lugar. Recientemente ministerio publico a informa cu a stop e investigacion penal cu tabatin den e departamento, y como tal e director no tabata un sospechoso mas. Mesora gobierno a informa cu mientras cu OM a stop su investigacion, gobierno si ta sigui cu nan propio investigacion. Den un comunicado pendiente lo duna mas informacion riba e tema.