Total di 59 polis a inicia ‘kaderopleiding’ na Scol di Polis

SAN NICOLAS – Dialuna mainta, un total di 59 polis a inicia ‘kaderopleiding’ na Scol di Polis na San Nicolas. Na comienso e tawata un reto pa mando policial y Sindicato di Polis yega na e acuerdo pa manda tur colega cu segun e dienstvoorschriften tin e derecho pa sigi e kaderopleiding.

DIPLOMA DI KADEROPLEIDING PA POLIS

Segun dienstvoorschriften Landsbesluit Rechtspositie Politie cu un Kaderopleiding en combinacion cu un funcion den e rango di sub inspector un polis den e rango di hoofdagent por bira sub inspector. Mandando tur 59 colega,- y den nan ta papia di coleganan cu for di 2005 (18 aña) sin bay un opleiding -, e ta crea asina e posibilidad pa e polisnan por crece den e organisacion.

ACUERDO ENTRE ALTO MANDO Y SINDICATO

E korpschef Ramon Arnhem conhuntamente cu Sindicato di Polis a dicidi di bay di acuerdo y duna oportunidad na tur 59 cu a solicita pa bay e opleiding. Bo por bisa door di un bon comunicacion entre Korpschef y SPA a bin logra esaki. Despues di esaki mando policial kier garantisa e continuidad den opleidingnan di tal manera cu nunca mas lo keda cu un gap asina grandi di coleganan sin bay opleiding.