OM a apela contra Benny Sevinger, Leoncita Arends y Pieter Sussebeek

OM a apela contra Benny Sevinger, Leoncita Arends y Pieter Sussebeek

Posted on 04/26/2023 12:41 pm AST | Updated on 04/26/2023 12:45 pm AST

ORANJESTAD - Ministerio Publico diaranson a anuncia cu e la bay den apelacion den caso di 3 di e 12 sospechosonan di Avestrus. Esaki pasobra Ministerio Publico no ta comparti e punto di vista di Huez den Prome Instancia den e casonan di e sospechosonan Benny Sevinger, Leoncita Arends y Pieter Sussebeek y no ta de acuerdo cu e castigonan cu Huez a duna. 

Ministerio Publico a exigi den Avestrus un castigo di prison incondicional di 5 aña contra ex-minister  Sevinger pa corupcion, estafa di Pais Aruba, maluso di su funcion, labamento di placa y malversacion.

Tambe Ministerio Publico a exigi pa Sevinger. wordo saca di derecho electoral pa un periodo di 10 aña.

Corte a condena Sevinger sinembargo pa un castigo di 12 luna, di cual seis luna ta condicional, pa corupcion y malversacion. El a wordo declara liber di estafa di Pais Aruba, maluso di funcion y labamento di placa. Corte a alavez sake for derecho electoral pa un periodo di 5 aña. 

Contra e sospechoso Leoncita Arends,  Ministerio Publico a exigi un castigo di prison incondicional di 3 aña y un multa di 25.000 florin pa estafa di Pais Aruba, falsificacion y corupcion. El a wordo condena pa un castigo di 24 luna, di cual 12 ta condicional, un tempo di prueba di 3 aña y un multa di 50.000 florin. El a wordo declara liber di corupcion activo di e sospechoso Sevinger y di falsificacion. 

E sospechoso Pieter Sussebeek, anteriormente ambtenaar di DOW, a wordo condena den Prome Instancia pa un castigo di 2 aña, di cual 1 ta condicional, pa corupcion y labamento di placa. El a wordo declara liber parcialmente di corupcion activo di e minister.

Mescos cu  Arends Corte a impone un condicion particular riba dje cu e no por pidi of haya optie riba erfpacht comercial pa un periodo di 3 aña. Corte a dicta ademas cerca e sospechoso  Sussebeek cu e suma di 1.3 miyon dollar cu a wordo confisca, a wordo verbeurd verklaard. Ministerio Publico a exigi un castigo incondicional di 4 aña contra e sospechoso aki den Prome Instancia. 

Ministerio Publico lo no apela e sentencianan di e otro sospechosonan. Pa mas leu conoci na Ministerio Publico na e momento aki, e siguiente sospechonan a bay nan mes tambe den apelacion, esta:  Sevinger.,  Arends. y Sussebeek. (Ministerio Publico tambe a apela) y Carlo Mansur.R.M., Gaby Werleman, Ninusca Nuñez, y Curt Harms.  

 

  • Awor a keda na Corte Supremo pa dicidi riba ley matrimonio mesun sexo pa Aruba

    Awor a keda na Corte Supremo pa dicidi riba ley matrimonio mesun sexo pa Aruba

    ORANJESTAD – Despues cu Parlamento un biaha mas a empata su votacion pa cu e ley di matrimonio di mesun sexo, cu consecuencia cu e ley awor ta destrui, tur wowo ta riba e sentencia di Hof otro luna cu tin cu dicta nan sentencia. Aña pasa October e caso a keda presenta dilanti Hof na Hulanda, y awor na juli, e sentencia ey ta bira conoci. Esnan cu ta sostene e ley, a vocifera diaranson cu nan speransa ainda ta den e sentencia ey. “Nos a warda hopi caba, kico ta 3 siman mas’ e presidente di e fundacion Orguyo, Henriquez a bisa. 

  • OM: Esnan cu tin multa habri, por wordo prohibi pa biaha

    OM: Esnan cu tin multa habri, por wordo prohibi pa biaha

    ORANJESTAD - Grenspolitie lo, riba peticion di Ministerio Publico, sigui para viaheronan cu debe di boet durante e period di vakantie cu ta nos dilanti. Personanan cu debe boet ta core riesgo di wordo deteni dor di Grenspolitie y di lo no por sigui cu nan viahe te cu nan cumpli cu pagonan di nan multa(nan).

  • Huez a laga doño di creche den libertad condicional

    Huez a laga doño di creche den libertad condicional

    ORANJESTAD - Huez a dicidi pa pone tur dos sospechoso cu tabata den detencion preventivo den e caso di e creche, den libertad condicional entrante awe 5’or di atardi. Un di nan, ta e doño, Neiffi K. S. Ministerio Publico a dicidi pa bay den apelacion contra e decision aki, despues di a studia decision di huez. Un di e sospechosonan a wordo entrega mes ora na Warda nos Costa

  • Corte: Headlines Group no mester rectifica contra minister Endy Croes

    Corte: Headlines Group no mester rectifica contra minister Endy Croes

    ORANJESTAD – E cas editorial di e portal 24ora.com Headlines Group no mester rectifica declaracionan haci contra minister Endy Croes, riba enrikesemento di e minister y su famia via Lotto Pa Deporte. Asina Corte a dicta den un sentencia diaranson mainta. Den e sentencia di 9 pagina, Corte ta motiva su decision di no ordena 24ora.com pa e rectificacion. 

  • Corte di Casacion: Castigo di prizon pa ex parlamentario di St Maarten ta keda vigente!

    Corte di Casacion: Castigo di prizon pa ex parlamentario di St Maarten ta keda vigente!

    AMSTERDAM - Korte Supremo di Hulanda na Den Haag a rechasá e kasashon di eks parlamentario di St. Maarten Frans Richardson i komersiante O’Neil Arrindell pa nan envolvimentu den aktonan koruptivo na e kompania ku ta manehá haf di St. Maarten. Ku esaki e sentensianan ku Richardson i Arrindell a risibí den korte di apelashon na St. Maarten a bira definitivo.

  • DIMAS a sigura cu nan ta dunando tur cooperacion na Ministerio Publico pa cu e caso di fraude cu permiso

    DIMAS a sigura cu nan ta dunando tur cooperacion na Ministerio Publico pa cu e caso di fraude cu permiso

    ORANJESTAD - Diamars 4 di juni 2024, autoridadnan competente a haci un entrada hudicial, supervisa pa fiscal di Ministerio Publico, na entre otro oficina di Departamento di Integracion, Maneho y Admision di Stranhero DIMAS, relaciona cu un investigacion andando. 

  • Powered by SETAR