Muzanine Wever tambe a entrega su retiro como candidato di partido AVP

ORANJESTAD – Despues cu Ryçond Santos Do Nascimento a retira siman pasa di partid berde AVP, awe otro miembro a entrega su retiro diamars. E biaha aki a trata di sra Muzanine Wever, yiu muher di ex minister pa e partido AVP, Mary Wever Lacle (dfm). “ Cu hopi duele y tristesa na mi curason pero cu un conviccion fuerte pa e decision tuma, mi ta anuncia cu mi a entrega mi retiro como candidato for di Partido AVP na lider di partido, sr. Mike Eman” e carta ta cuminsa na bisa. “ E rason di mi retiro ta serio pero simpel pa compronde: mi a realisa cu mi no ta comparti e vision di partido y ta sinti cu ken mi ta - esta un persona profesional, critico pero vooral di principio - no ta pas den e constelacion actual di partido” Wever ta continua bisando. 

AVP BY CHOICE NOT BY CHANCE

Citando palabra di su mama, Wever kier a splica su decision. “ Den palabra di mi difunto mama, mi semper tawata AVP pero “by choice, not by chance”. Y esey tawata pasobra mi semper a kere den e ideologia di partido, e base fundamental cu a uni nos” Wever a bisa. Si antes e tabata convenci di ta den e partido corecto, e ultimo simanan a pone pensa diferente.  

CAMBIO DEN PARTIDO

Segun Wever, ;ocual a transcuri durante e ultimo simannan, sinembargo, particularmente e conflicto publico entre coleganan di partido sr. R. Santos do Nascimento y sra. G. Croes na un banda y sr. M. de Meza na e otro y tambe e consecuencianan pa partido relaciona cu e decision di huez pa e caso di sr. B. Sevinger, tabata ‘lamentabelmente un realisacion cu locual ami ta kere aden y pare pe no ta aligna cu Partido. E diferencia den pensamento ta demasiado grandi y pa cual mi no por ofrece defensa” Wever a continua bisando. Pa e contenido completo di e carta di retiro di Wever, click AKI.