Despues di a sigui entrenamiento, Polis di Bario ta miho prepara awor pa atende cu cacho

MACUARIMA -  Despues di a sigui entrenamiento, Polis di Bario miho prepara awor pa atende cu cacho.Tarea di Polis no ta solamente combati criminalidad pero tambe e parti di proteha hende y bestia cu ta cay bao di tarea di Polis. Un ehempel bibo ta e cachonan sin doño cu ta biba riba caminda publico. E cachonan aki por causa peliger na nos ciudadano of deportisanan cu ta haci uzo di camindanan publico. 

Den cuadro di esaki a prepara un curso special dirigi riba e tematica aki. E curso aki tabata dirigi tanto teoria pero tambe practica.  Polis di bario di cada districto a participa na e curso aki caminda den forma profesional y tactico a wordo entrena con pa atende cu casonan cu mester atende cu cacho. Durante dos siman largo a dedica hopi ora y traning con pa atende cu cacho. Na final di dia den presencia di Minister di Husticia Sr. Rocco Tjon, Sr. Silvio de Mey Hoofdinspecteur di Polis y Sra. Irene Croes, e Polisnan di bario a hayanan certificado.

Bao encargo di Sra. Irene Croes cu a studia ley tocante animal pero tambe proteccion di animal, a haci e parti di teoria. Alavez e curso practico a wordo duna pa e instructor certifica policial Sr. Coffie tambe agente policial Nicholson cu tin amplio experiencia cu cacho. Como cu Coffie y Nicholson ta polis e training a bay hopi mas facil pa e cursistanan compronde di e materia. Tambe e entrenador certifica di cacho, Tito Laclé di Aruba Dog Academy a duna un session comprensivo di con pa atende cu cacho ora cu nan encontra nan riba caya curante patruya. 

“Mi ta sumamente contento cu Polis di bari ta haya mas conocimento con pa por maneha un cacho riba camidna publico” tabata palabranan di Sr. Silvio de Mey, Hoofdinspecteur di Polis

E polisnan awor por atende e cachonan na un manera mas profesional sin cu ta haci daño na e cacho. Lo por recohenan na un manera tacto cu tanto e cacho no lo ricibi lesionan of e Polis haya mordi.

“Mi ta sumamente contento cu mi coleganan a haci e curso aki pa eleva nan conocimiento y expertiso den e area aki” tabata palabranan di altocomisario drs. Ramon Arnhem.

Awor cu e certificado den e man di e Polis, comunidad por ta contento cu nos tin Polisnan bon entrena con pa atende cu diferente casonan di cacho.