Van Huffelen ta clarifica su posicion riba casacion di Aruba contra matrimonio di mesun sexo

DEN HAAG – “Otro cu e constitucion di Hulanda, e constitucion den e paisnan Caribense ta permiti huez pa ‘toets’ e ley na e constitucion”. Asina secretario di estado Hulandes Alexandra van Huffelen a contesta e parlamentario di Tweede Kamer riba un cantidad di pregunta relaciona cu e asunto di casacion di gobierno contra sentencia di matrimobo di mesun sexo. “ E tabata un tipo di revision constitucional asina, cu a resulta den e sentencia di Corte di Prome Instancia contra cual gobierno di Aruba a bay casacion” e mandatario Hulandes a sigui bisa.  Ademas, e mandatario ta sigui bisa, no tabata e principio di concordancia cu a pone Hof dicidi pa habri matrimonio di personanan di mesun sexo na Aruba, sino e prohibicion di distriminacion den e constitucion di Aruba. “Door di revision di e prohibicion di discriminacion, Hof a uza como fuente di inspiracion, e sentencianan di Europees Hof voor de Rechten van de Mens (r.o. 2.35-2.39) pero tambe hurisprudencia di e Corte Constitucional d Sur Africa y Corte Supremo di Merca” van Huffelen a sigui bisa.  

NO POR METE SIN MAS

Riba pregunta cu si e mandatario por impone of mete den e asunto aki como mandatario Hulandes y ordena pa Aruba ria pa e sentencia aki, e la contesta cu esaki no ta su responsabilidad aworaki. “Un responsabilidad awor como parti di e gobierno di Reino, ta bin den discusion ora cu un pais viola derecho internacional y cu e funcion di salvaguardia ta den wega”. Un situacion asina aworaki no ta na ordo aworaki. Sinembargo, mes momento e mandatario ta mustra cu ta lo contrario na na ordo aworaki, y ta surgi e pregunta si autoridad di un pais por brinda mas proteccion huridico cu ley internacional ta permiti. “Manera indica, Hof no ta ofrece e proteccion legal extra aki a base di ley internacional sino a base di e propio derecho constitucional di Aruba”, e mandatario a finalisa bisando.   

TA KEDA NA ARUBA PA TENE DEBATETambe, e mandatario ta bisa cu ta keda na comunidad pa debate e tema di matrimonio di mesun sexo. “No ta corecto pa ami reflecciona riba kico e sosten (draagvlak) di un pueblo Caribense mester ta di un sentencia di huez. Asina leu cu un sosten asina ta determinante pa por contesta un pregunta legal, ta na prome instancia keda na e huez pa determina”.  E mandatario a ofrece su mes si pa den cuadro di un dialogo riba e tema di matrimonio di mesun sexo, papia cu representantenan di e comunidad manera misa, e ta dispuesto sigur pa haci tal. Por lesa e contesta original di e mandatario riba e tema, AKI.