Video: Onderlinge Regeling no a cambia e obhetivo di Hulanda pa ehecuta landspakket

DEN HAAG – E obhetivo cu Hulanda tabata kier pa cu e landspakketnan (pa e.o. Aruba) no a cambia awor cu a firma e asina yama Onderlinge Regeling cu ta reemplasa e ley di Reino, esta COHO. Asina secretario di estado Hulandes Alexandra van Huffelen a contesta e pregunta di Noticiacla durante e conferencia di prensa diamars mainta. E pregunta a bin a base di e hecho cu tin e percepcion cu ta nada lo a cambia di e contenido y cu ta djis e nomber so a cambia. Cu e contesta aki, esey ta mustra cu a asina, y cu loke ta cambia ta e tipo di control cu mester tin. E exigencianan di Hulanda pa medio di e Landspakket ta keda igual y ta e forma con ta raporta esaki y controla, ta keda pa cuenta di e isla y su prome minister.