Dos trein ta dal den un grua chikito na Hulanda y sali di rails matando un persona

VOORSCHOTEN – Un dalmento di dos trein den un grua chikito diamars marduga na Hulanda a laga 1 morto y 18 herido serio atras. Un trein di carga y uno di pasahero cu 50 persona a bordo a dal contra e grua y e trein cu pasahero a sali di e rails. E morto ta e operador di e grua chikito. Nan tabata haci trabou riba dos rails cu no tabata den servicio na Voorschoten. No ta compronde con e dos treinnan por a dal contra e grua toch. Despues di e accidente, hopi servicio di emergencia a cuminsa opera, unda cu tabatin p.e. un helicopter pa trauma, y como 24 ambulance.