Conseho di Minister di Reino a trata strategia di seguridad pa reino completo

ORANJESTAD -  Conseho di Minister di Reino a trata strategia di seguridad pa reino completo diabierna ultimo. E strategia di siguridad pa Reino Hulandes ta encera locual cu lo haci durante e proximo 6 añanan (2023-2029) na bienestar di seguridad nacional. 

Manera cu por tuma nota mundialmente tin cantidad di menasa contra di seguridad, den diferente aea. Tin tension geo politico y menasa militar door di entre otro e guerra na Ukraina.

Tin diferente sorto di actividad criminal, pero tambe e pandemia y clima y desasternan natural por conduci na desrupcion di sociedad. E strategia di seguridad menciona “Veiligheidsstrategie” ta duna direccion na loke Reino ta haci riba e tema di seguridad nacional.

Menasa contra siguridad no ta haci distincion di frontera, pues Reino Hulandes no ta imuun contra cambionan tumando luga rond mundo. Siguridad nacional ta sinonio cu seguridad internacional y vice versa. Pues e ta sumamente  importante cu ta pone enfasis riba siguridad nacional y internacional den e strategia di pa Reino completo y pa conecta esaki na otro. E strategia di seguridad ta combina e asina yama Geintegreerde  Buitenland - en Veiligheidsstrategie (2018) y e Nationale Veiligheid Strategie (2019) hunto y ta contene plan di accion y maneho riba tocante diferente tema.

Siguridad ta un tarea principal di gobierno, pero e ta rekeri ciudadanonan, companianan, organisacionnan y instacianan tambe, pa traha hunto y pa asina mitiga menasanan contra siguridad, cual ta locual cu e “Veiligheidsstrategie” di Reino ta contene tambe.