- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
CCDN ta alerta riba protocol pa uso di bandera di Aruba
ORANJESTAD - Relaciona cu celebracion di Dia di Himno y Bandera, Comision Celebracion Dianan Nacional ta comparti informacion riba e protocol di uzo di bandera di Aruba. Ta importante pa haci uzo corecto conforme reglanan oficial.
HISAMENTO DI BANDERA NA UN EDIFICIO
Hisamento di bandera na un edificio tin su protocol y ta importante pa cada ciudadano consciente pone su mes na altura di e normanan internacional cu ta ser uza encuanto bandera nacional. Con bo ta hisa un bandera ta mara na cierto palabracionnan. Falta di atende na e reglanan aki ta ser considera como mal manera y tin casonan hasta como ofensa.
E bandera mester ta na e parti mas na rechts (banda drechi) di e edificio si bo ta para cu lomba pa e edificio.
Pa colga e bandera den un bentana of vitrina esaki por ta horizontal cu e strea na man robes na halto
of vertical cu e strepinan na banda robes.
Den caso cu ta hisa e bandera di Hulanda, Aruba y bandera cu logo di empresa por ehempel, e sequencia di robez pa drechi (mirando e edificio) ta Hulanda, Aruba y e otro. Den caso di bandera di Aruba y di compania of otro, esun di Aruba lo ta mas na links (mirando cara pa e edificio).
Protocol Hulanda y Aruba ta como lo siguiente na momento di hisa bandera: di robes pa drechi mirando pa e edificio, e secuencia ta Hulanda, Aruba, Curacao, Bonaire, St. Maarten, St. Eustatius y Saba.
Protocol di Hisa bandera Hulanda, Aruba y resto di mundo ta di particular interes pa mundo hotelero cu ta hisa mas bandera internacional usualmente. E protocol ta yama di robes pa drechi mirando pa e edificio e secuencia ta Hulanda, Aruba, America, Brazil, Canada, St. Domingo y Venezuela (segun alfabet ingles).
Di particular interes ta e secuencia ora ta hisa bandera di Merca, Hulanda y Aruba ora tur palo di bandera ta mes halto, pa esun di Reino Hulandes (Hulanda) ta prome, despues di Aruba y despues segun alfabet ingles e otronan, manera den e caso aki Merca. Den caso cu e palo di bandera mey mey ta mas halto, anto e ora esun di Hulanda ta ocupa e palo di bandera mey mey, esun di Aruba na man robes (mirando cara pa e edificio) y despues esun di Merca of otro pais.
Ta importante corda cu ta papia semper di robes pa drechi cara pa edificio.
REGLANAN PA CU USO DI BANDERA DI ARUBA
- Mester hisa bandera for di ora solo sali te ora solo baha.
- Bandera por bula anochi solamente si tin luz blanco dirigi riba e bandera; un persona for di leu mester por distingui di cual pais e bandera ta.
- Mester hisa e bandera cu tur respet y na momento di hisa bandera, no ta permiti pa e mishi cu tera (suela).
- Despues di baha e bandera mester dobl’e bunita y ward’e na un lugar special.
- Ora e bandera ta machica, mester strik’e prome cu his’e y atrobe, no ta permiti pa e mishi cu tera (suela).
- No ta permiti pa claba nos bandera.
- No ta permiti pa hisa bandera ora tin mal tempo.
- No ta permiti pa hisa bandera ora e ta fraña.
- Un bandera tin su midi exacto.
- No ta decora cu nos bandera na un manera iresponsabel; tampoco no ta traha cose trahe tipico cu ta refleha nos bandera. Por uza e colornan y hasta e strea y e strepinan, pero na un forma menos notabel cu e por keda parecido na nos bandera.
- No ta traha serbete na forma di nos bandera.
- Ora un bandera bira bieu, no sigui his’e mas.
- Ora bo ta hisa bandera halfstok, his’e te na top prome, despues bah’e halfstok.
- Ora di bah’e mester sosode mescos; his’e te na top prome, despues bah’e completamente
- Si usa un bandera den un oficina, e palo di bandera mester keda na man drechi di e persona cu ta usa e oficina, ora e ta sinta.
- Si pone un banderin riba lessenaar, e mester pon’e na su man drechi, ora e ta sinta.
SETAR ta sponsor di Soul Beach Music Festival 2023
DOW: Construccion ta cuminsa di proyecto pa mehora sistema di drenahe na Palm Beach
Censo lo ta cera pa motibo di upgrading di nan sistema di software
WEB ta alerta di chens minimo di interupcion di coriente durante testmento di e planta RECIP IV
BALASHI – E compania di utilidad WEB Aruba NV, a alerta diahuebs cu debi na trabounan di test e planta di generacion di coriente diabierna awor, ta keda posibilidad minimo di interupcion di coriente . Segun e informacion ricibi, e vocero di e planta a splica cu “ como parti di proyecto RECIP IV, diabierna 24 di maart 2023 lo tuma lugar varios test den planta di generacion di coriente di WEB”. Ademas e ta sigui bisa cu e test aki ta necesario pa por pa confirma cu e planta nobo ta funciona debidamente. “Mirando e magnitud y riesgonan envolvi cu e trabou, ta keda existi un posibilidad minimo cu por surgi interupcion di coriente” e informacion ta sigui bisa. “E grupo di proyecto RECIP IV, hunto cu coleganan di diferente departamento na WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente”, e informacion ta finalisa bisando. Ta conoci cu WEB ultimo tempo no tabatin su miho momento cu otro apagon recien, aunke cu mientrastanto a sigura cu a logra haya e problema y cu a sigura cu esaki lo no sosode mas of sigur di forma minimal.
Do it Center y Éxito Wow ta uni pa expandi nan selección di producto na Aruba
DEA ta organisa sesion di informacion pa esnan cu kier bay studia na Hulanda
ORANJESTAD - Departamento di Enseñansa Aruba (DEA) ta invita tur esnan cu tin interes pa bay studia na Hulanda, pa un sesion di informacion cu Dienst Uitvoering Onderwijs (DUO). DUO ta na Aruba di 20 te cu di 30 di maart proximo pa asina asisti tanto e studiantenan cu tin intencion di bay studia na Hulanda, como tambe e ex-studiantenan.
Follow NoticiaCla
