Colombiano cu a bin sconde na Aruba, a wordo haya culpabel pa homicidio na Australia

SIDNEY – E studiante Colombiano Hector Valencia Valencia (23) acusa di asesinato y cu a bin sconde na Aruba, no a wordo haya culpable di asesinato pero pa homicidio involuntario. Aruba a drenta den e noticia ora cu e studiante cu na januari di 2020 a mata un muher transsexual na Australia, huy prome pa Colombia y despues sconde na Aruba. Tabata na februari di 2020 cu polis a detene na Aruba, y November di e mesun aña, extradite pa Australia. E caso awor a bin dilanti y e homber a keda sentencia pa un huez. Durante e caso, e homber studiante a desmenti cu e la mata e persona aki, y a pidi pa un sentencia reduci cu a keda rechasa tambe pa e huez. Valencia lo a mata e dama transexual despues cu e la descubri su ‘status’. Mientrastanto e ta cera, wardando su sentencia final.