Gavril Mansur (KvK): Sector priva y publico mester sigui traha hunto pa sigura un economia fuerte y vibrante

ORANJESTAD – E presidente nobo recien eligi di Camara di Comercio, Gavril Mansur, pa hopi conoci como Gabo, ta cla pa contribui na e exito di Aruba. Asina e la declara recientemente durante un encuentro di e gremio na un recepcion di apertura di aña. Mansur ta bin di un famia empresarial y comercial. Prome cu ne varios miembro di famia a sea tene e funcion similar of den un capacidad similar den un otro gremio comercial. Den e caso aki, Mansur rapidamente a mustra cu e no ta perde tempo, ta actua lihe y kier mira resultado. 

MIDI EXITO

Segun Mansur, Exito no ta wordo midi solamente riba un nivel macro economico sino pa e salud y diversidad di e negoshi y tambe e prosperidad di nos hendenan. Y e presidente nobo a sigui pa splica su pensamento di con por funciona miho.

COMUNIDAD VIBRANTE

Segun Mansur, pa tin un economia fuerte y vibrante, e  comunidad mester ta comercialmente  fuerte y vibrante y mester tin un sector publico dinamico pa sigura cu legislacion ta actual y   ta refleha e standardnan actual. E ta mustra tambe cu leynan anticua y ineficiente of reglanan y regulacion ambiguoso por y ta stroba progreso. “Nan ta haci Aruba menos atractivo pa inversion internacional y mas dificil pa comercio local. “Mi sa cu tin esfuersonan ta andando di parti di nos gobierno pa mehora e parti aki, y nos ta sostene e iniciativa aki” Mansur a bisa den direccion di gobierno. (E color) Cora ta bon, pero que hubo si tin menos red tape, y mas tapijt cora?” Mansur a puntra den un forma porta mas retorico. E ta sinti cu semper mester aliña nos palabra y echonan. “Nos por bisa loke nos kier, pero si nos no sostene nos palabra cu accion, e ora nan ta solamente palabra: Hol, y bashi!”.

TRAHA HUNTO

Mansur a sugeri tambe pa e sector priva y publico sigui traha hunto pa sigura un economia fuerte y vibrante. “Uno no por ta exitoso sin e otro” Mansur a continua bisando. “Mester tin un sociedad igual, basa riba confiansa y respet mutuo” e bankero a sigui bisa. 

APASIONA

Mansur no a sconde su passion tampoco. “Mi ta berdaderamente pasiona pa cu Aruba su futuro y mi sa cu mi no ta e unico”. Alabez e la recorda cu ningun hende por logra tur esaki nan so, y cu ningun persona ta perfecto. “Laga nos tur haci nos parti pa haci Aruba un miho lugar y laga nos haci’e hunto”, Mansur a finalisa bisando, y a cita e gigante di industria automotriz Henry Ford: “Bin hunto ta un comienso, keda hunto ta progreso y traha hunto, ta exito”.