Sospechosonan den caso di ‘Vacuna Gate’ mester presenta dilanti hues den regiezitting

ORANJESTAD – Awe mainta den Corte pa un session conoci como ‘regiezitting, e tres sospechosonan J.R.R., G.G.G.O., y  M.G.J.M.R. mester presenta dilanti un huez, pa loke a bira conoci como ‘Vacuna Gate’. Specificamente, actonan di falsificacion di prueba di vacuna, durante pandemia di Covid19. Sospechosonan R,  O. y M. ta wordo acusa di, den e periodo di prome di maart 2021 te 14 di december 2021 y conhuntamente cu seis of mas otro persona, a participa na un organizacion cu tabatin comete crimen como proposito, esta, falsifica pruebanan di vacuna y/of facilita pruebanan di vacuna contra reglanan.

AMBTENAAR 

Loke a hala atencion ta hecho cu algun di nan como ambtenaar y tambe contratista na DVG, a practica esaki. R. y O. y M. ta wordo acusa di, den e periodo di prome di maart 2021 te 14 di december 2021 y como ambtenaar den funcion di contratista na DVG, a tuma placa pa registra vacunanan y/of hinca informacion den e sistema di data di DVG, sabiendo cu e vacunanan aki no a tuma lugar y cu e informacion ey ta wordo usa pa un registro incorecto di vacuna. R. ta wordo acusa di posesion di cocaine riba 14 di december 2021. Como cu ta regiezitting, ta determina despues di e tratamento, kico ainda falta pa despues pone un fecha pa e caso aki tuma lugar despues.