Tur cantante di Aruba cu Buleria a pasa pa final di Festival di Tumba Corsou

WILLEMSTAD – Tur Aruba su cantantenan di Buleria den Festival di Tumba di Corsou a pasa pa e anochi final cu ta diabierna anochi. Ta trata aki di e participantenan Jeanchrisjair ‘Buddy Love’ Vesprey, Rocco Franken, y Chendell Beaumont. Tur tres a bay cu e banda local di Aruba Buleria y tur tres a pasa pa final. Hunto cu nan tres, Irving Jano di Corsou tambe ta sigui, aunke cu Jano ta representa Corsou. 

E CANTANTENAN

Buddy Love ta participa cu ‘Lag’e na cas’, di John y Dwight Leoneta. Rocco Franken ta participa cu ‘Den mi orea’ di Hendrik de Windt, y Chendell Beaumont ta participa cu ‘Mi Gusta’ cu ta un composicion propio. Irvin Jano ta participa cu ‘Porfin’ di Hendrik de Windt. 

BULA LAAT

Tabata remarkable cu apenas den careda di 7’or nan a biaha pa Corsou, pa 3 ora y mei despues subi tarima y haci nan presentacion pa e publico grandi cu tabata acumula caba. Nan tabata e di penultimo grupo cu mester a presenta riba e ultimo anochi di e di 51 edicion di Festival di Tumba. Esnan cu kier wak esaki diabierna, por busca PPV via Setar.