Registrashon na Aruba pa Colegio Electoral pa Eerste Kamer pa persona cu no ta residente

ORANJESTAD - Hulandes Europeo cu ta biba na Aruba por vota na maart 2023 pa un eleccion nobo: eleccion pa colegio electoral pa persona cu no ta residente pa Eerste Kamer. Cu esaki votado cu ta biba den exterior tin un voto indirecto den Eerste Kamer. Pa e motibo aki registracion adelanta como ‘votado pafo di Hulanda’ ta necesario. Esaki ta posibel ainda te ku diamars, 31 di Januari 2023. 

Registrashon ta fásil. Djis bishitá e website www.stemmenvanuithetbuitenland.nl i sigui e instrukshonnan. Asina bo ta registrá komo votadó pafó di Hulanda, bo ta risibí un konfirmashon. For di e momentu ei outomátikamente bo ta risibí tur informashon i dokumento nesesario pa vota via pòst. Asta si bo ta registrá kaba pa elekshon di Tweede Kamer i Parlamento Oropeo, ta nesesario pa registrá pa Kolegio Elektoral. 

Pa Hulandes Oropeo bibá na Aruba, Kòrsou òf Sint Maarten ta konta ku despues di un notifikashon por pasa buska su dokumentu pa vota na ofisina di Representashon di Hulanda. 

Tin algun kondishon mará na votamentu for di eksterior pa e elekshon pa kolegio elektoral pa perona ku no ta residente pa Eerste Kamer. Bo mester biba pafó di Hulanda i no ta inskribí na un munisipio di Hulanda, bo mester tin e nashonalidat Hulandes i bo mester ta 18 aña bai ariba. Tambe abitante di Aruba, Kòrsou i Sint Maarten mester tabata residente pa por lo ménos 10 aña na Hulanda, òf ta den servisio di gobièrnu Hulandes na Aruba, Kòrsou òf Sint Maarten, òf tin un miembro di famia di mesun hogar ku ta den servisio di gobièrnu Hulandes. 

Pa mas informashon tokante e kolegio elektoral, por bishita: www.stemmenvanuithetbuitenland.nl  NOTA: Parti di e articulo ta scirbi den Papiamento fonetico di Corsou.