- Turista ta bira di 9 morto di trafico di Aruba
- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
CMB a entrega donacion di Urataka Run & Walk 2023
(ADVERTORIAL)
ORANJESTAD – Menos di un siman despues di e exitoso careda Urataka Run & Walk 2023, orguyosamente Caribean Mercantile Bank N.V. (CMB), como patrocinador oficial, a haci entrega di donacion na dos (2) instancia di e comunidad di Santa Cruz y un (1) grupo di boluntario activo. Ta trata di Stichting Ambiente Feliz, Grupo Maria Auxiliadora - Het Arubaanse Padvindsters Gilde, y Volunteer Motor Unit Aruba.
Loke ta un tradicion deportivo masha spera den e prome dianan di januari, Urataka Run & Walk a nace 25 aña pasa cu e fin di fomenta movecion fisico y pa contribui na comunidad. Pa ambos motibo CMB ta hopi contento di por forma parti di dje sosteniendo e organisacion, loke na su luga ta yuda pa mas fondo ta bay bek caminda tin mas mester di dje.
Diabierna 20 di januari a tuma luga na sede di CMB na Caya G.F. Betico Croes e momento pa entrega di donacion. Esaki tabata den man di representantenan di gerencia, Sr. Roberto Dijkhoff, Sra. Natalie de Cuba, y Sr. Gavril Mansur. Cada instancia di bario di Santa Cruz a ricibi un suma di cinco mil florin.
E prome tabata Stichting Ambiente Feliz, un organisacion cu ta existi pa mas di 35 aña. Ta trata directamente cu persona cu limitacion fisico y mental y nan famia, elevando nan calidad di bida y fomentando un trato husto y cu respet den nos comunidad. Entre e facilidadnan di Santa Cruz y San Nicolas, Ambiente Feliz ta un resguardo vital pa mas menos 24 cliente.
Siguientemente a ricibi representantenan di Grupo Maria Auxiliadora – Het Arubaanse Padvindsters Gilde. Esaki ta un grupo di scout pa mucha muhe cu a lanta diez aña pasa, e unico den Santa Cruz, cu e meta di empodera y desaroya mucha muhe como miembro balioso di comunidad. Actualmente ta conta cu 24 scout activo, ademas di cuarenta otro miembro.
Por ultimo, pero sigur no menos relevante tabata esunnan di Volunteer Motor Unit Aruba (VMUA). Esaki ta otro grupo cu tin diez aña di existencia y ta brinda un contribucion importante na comunidad. VMUA ta consisti di
mas of menoos 20 miembro cu semanalmente ta pone nan tempo y motorcycle disponibel pa duna un nivel adicional di siguridad na careda y otro eventonan rond di e isla bou guia di Cuerpo Policial di Aruba.
CMB ta gradici organisadornan di Urataka Run & Walk pa permiti e colaboracion fructifero aki specialmente na e Stichting Ambiente Feliz, Grupo Maria Auxiliadora y Volunteer Motor Unit Aruba ya cu a traves di nan vocacion pa sirbi prohimo, nan ta un ehempel pa tur otro ciudadano. Hopi exito den futuro.
Aruba ta golea Turks & Caicos den futbol seleccion damas
ORANJESTAD – E seleccion femenino di futbol di Aruba a golea e seleccion di Turks & Caicos 8-0 diahuebs. E golnan a bini di Vanessa Susanna cu 4 gol, Bonnie Lammers cu 3 gol y e debutante Stacey Lampe cu 1 gol. Dialuna dia 4 di december Aruba lo enfrenta Belize pa 3or den stadion Guillermo Trinidad. Texto y potret cortesia 297 Sports.
Boxeador Boneriano Davidlee Winklaar ta brilla bek den e ring!
KRALENDIJK - E orguyo di Boneiru ta retoma su carrera como boxeador, y lo lo bay ta na Brazil riba 7 di december pa un evento trascendental. Despues di su exitoso desempeño como Wako Campeon Panamericano K1 na 2018 y Vicecampeon na 2019, Davidlee ta kibra atrobe cu su habilidad y determinacion pa pone Boneiru riba mapa deportivo mundial.
Aruba ta gana Cayman Islands facil den futbol cu score di 5-1
ORANJESTAD – E seleccion di futbol nacional di Aruba a gana e seleccion di Cayman Islands di un forma convincente cu e score di 5-1 dialuna atardi den stadion Guillermo P. Trinidad. Aruba a hinca su prome gol den prome 15 minuut di e wega. E di dos gol a bin den extra minuut di prome tempo. Den di dos tempo Cayman Islands ta anota nan prome gol. Pero algun rato Aruba ta bounce back cu 3-1. Den di 77 minuut Aruba ta hinca su di 4 gol y net prome cu e wega finalisa, Aruba ta hinca e di 5 y ultimo gol di partido. Potret cortesia 297 Sports.
André Baran y Michele Cappelletti ta campeon di Aruba Open Beach Tennis BT 400
ORANJESTAD – Hunto cu su compañero Italiano Michele Cappelletti, E Brasilero Andre Baran a bira campeon di Beach Tennis na Aruba derotando e duo Brasileña Fabricio Neis y Daniel Schmitt
Aruba ta hunga contra US Virgin Islands awe nochi den futbol pa Concacaf
CHRISTIANSTED – E hungadornan di seleccion di futbol di US Virgin Islands ta conciente cu nan no tin chens pa un promocion e aña aki den e liga nacional di Concacaf. Nan ta hunga contra e seleccion di Aruba awe nochi, den e capital di e isla, unda cu Aruba ta na cabez di e grupo cu 6 punto. St Vincent tin solamente un punto. Aruba a gana nan luna pasa na Aruba cu e score di 3-1 inaugurando e veld nobo di stadion Guillermo P. Trinindad. Y awe nochi e ekipo oponente tin chens di ‘tuma revancha’ aunke esaki no ta kere cu lo sosode. E wega lo tuma luga na e Bethlehem Soccer Complex, cuminsando pa 7’or ora di Aruba. Aruba ta bolbe hunga, pero na Aruba dialuna awor, contra Caymen Islands.
Premio Excelencia Den Deporte a reconoce atletanan pa aña 2022
ORANJESTAD - Diabierna anochi, a tuma luga Premio Excelencia den Deporte 2022 unda, cu a reconoce e atletanan cu mas a destaca den nan disciplina pa aña 2022. Un anochi magico yena cu emocion y alegria unda a honra e 130 atletanan nomina, a reconoce bintishete (27) entrenado pa nan contribucion den e desaroyo di deporte di Aruba. Tambe, a rindi homenahe na dies (10) baluarte deportivo cu a dedica gran parti di nan bida na desaroyo di deporte di Aruba. Banda di esaki, a reconoce seis (6) atleta olimpico cu a ricibi un certificado y pin di Olympians for Life (OLY) for di World Olympians Association pa nan esfuerso y pa promove e balornan olimpico.
Follow NoticiaCla
