Habitantenan na Tanki Flip ta pidi auxilio pa caminda malo yen di krater cu ta daña auto

Posted on 01/22/2023 6:01 pm AST | Updated on 01/22/2023 6:03 pm AST

ORANJESTAD – Mientras cu camindanan riba ruta di bishita di Famia Real ta wordo drecha e dianan aki, (e yegada d e bishita ta otro siman dialuna), habitantenan di Tanki Flip ta pidi DOW auxilio pa drecha nan caya. Particularmente den e caya di Tanki Flip 32-M. E situacion segun e habitantenan ta birando dia pa dia mas fastioso, y mas pio, un peliger pa auto. Un sin fin di buraco, ta pone e caya mustra manera un parti di luna, yen di krater. Problema ta cu e kraternan ta asina hundo caba, cu mester maniobra cu auto pa evita e kraternan haci daño na auto. Pa complete e obra, varios persona ta parker nan auto di cierto forma cu ta haci e reto di core den e caya mas dificil ainda, ora di evita e kraternan. Na tur, un dolor di cabez diario pa esnan cu ta biba den e cayanan ey y trafica tur dia. Ni pensa ora cu tin awacero y cu e caminda ta yena cu awa, tapando e kraternan cu ta haci e caminda aun mas peligroso pa e autonan. E habitantenan a pidi auxilio na noticiacla pa trece e aspecto aki dilanti y spera cu asina por haya poco alivio, prome cu e situacion bira mas pio. 

  • Auditornan independiente a identifica causa di blackout recien di WEB

    Auditornan independiente a identifica causa di blackout recien di WEB

    ORANJESTAD - Auditornan independiente a identifica causa di blackout recien di WEB na Aruba. Asina minister di energia Glenbert Croes a declara diabierna. Sinembargo no a bisa kico e causa ta pasobra otro siman lo presenta esaki. Ta corda cu un siman pasa, Aruba a conoce e prome Blackout pa aña 2023. Esaki despues cu tabatin varios blackout cu a tuma luga e aña anterior. Minister Glenbert Croes  (Energia:red) a expresa cu e meta di  gobierno tabata pa haya sa kico causa e blackout y pa yega na un solucion. Den cuadro di esaki tin un ekipo di profesional internacional independiente, trahando hunto cu e profesionalnan local pa identifica e problema. 

  • Aduana a confisca carga illegal di remedi y webo blanco na Aruba

    Aduana a confisca carga illegal di remedi y webo blanco na Aruba

    ORANJESTAD- Recientemente, durante dos diferente control di Aduana, ambtenaren a constata carganan ilegal. E prome carga confisca a tuma luga riba 18 januari 2023.  E carga a contene un gran cantidad di caha di webo empaketa den caha di appel cu no wordo declara. Ta trata di webo blanco cu mester di permiso di importacion for di Directie Economische Zaken, Handel en Industrie (DEZHI).

  • HOH prome den Caribe Hulandes pa haci operacion di higra cu aparato nobo Sonopet

    HOH prome den Caribe Hulandes pa haci operacion di higra cu aparato nobo Sonopet

    ORANJESTAD - E cooperacion entre Horacio Oduber Hospital (HOH) y Universitair Medisch Centrum na Utrecht (UMC Utrecht) a drenta na vigor oficialmente prome di januari. Den cuadro di esaki a bin cu un aparato specialmente pe specialisacion di neurocirugia pero cu tambe por wordo uza pa cirugia di higra, esta un Sonopet di e compania Stryker. Ciruhano Jan Ringers tin 10 luna caba trahando na Hospital y ta custumbra cu e aparato Sonopet caba na Hulanda. Pues, ora cu tabatin un pashent pendiente pa bay afo pa kita tumor di higra ela bisa cu esaki no ta necesario ya cu a caba di haya e aparato aki na HOH. Dokter Ringers hunto cu e team di OK a haci e operacion na HOH mes cu a resulta uno exitoso y loke ta haci’e momento aki mas special ainda ta cu te prome pa Caribe Hulandes.

  • Decano di Universidad: Protesta di Sint Jago a traiciona e confiansa deposita den dje

    Decano di Universidad: Protesta di Sint Jago a traiciona e confiansa deposita den dje

    ORANJESTAD – E decano di Universidad di Aruba Ruth Bonnevalle-Kok di e facultad di Ley a reacciona desapunta riba e accion di protesta di diamars durante e bishita di Famia Real na e instituto. Asina e portal Vorsten ta raporta. Sigur si considera cu ta e ta esun cu personalmente tabata responsabel pa e presencia di e persona cu a protesta, esta Giselle Sint Jago. “Mi a invita e studiante aki personalmente pa e lectura aki y mi conoce como un  bon studiante motiva y mi sa cu e ta politicamente comprometi” Bonnevalle a bisa.  Tabata durante e lectura cu e studiante y politico Sint Jago a canta un cancion di sclavitud como protesta. E la lanta para y canta esaki y bisa cu esaki ta un protesta pasivo.

  • Movemento Indigena Arubano a entrega lista di demanda na secretario di estado Alexandra van Huffelen

    Movemento Indigena Arubano a entrega lista di demanda na secretario di estado Alexandra van Huffelen

    ORANJESTAD - Dia 30 di januari 2023 algun miembro di Conseho di Aruban Warriors a entrega unDeclaracion cu un lista di 15 demanda na Secretario di Estado sra. Alexandra van Huffelen. Segun e organisacion (MIA), parti di pueblo Arubano no ta sigui noticia riba medionan social p’esey nos ta haci uzo di prensa skirbi. Y segun representante di e grupo, Helena Croes, Telearuba lo tabatin ordo pa no cubri e noticia ni pa filma nan accion. Segun Croes, noticia di nan manifestacion a plama riba full Hulanda y tambe internacional. “Nos aliadonan indigena a publica e noticia riba nan paginanan di facebook y tiktok” Croes a sigui bisa.

  • Car Colour Aruba ta Celebra Reapertura y Lanza Marca di Verf WANDA

    Car Colour Aruba ta Celebra Reapertura y Lanza Marca di Verf WANDA

    (ADVERTORIAL)

  • Powered by SETAR