Actividad di Hebbe Hebbe a keda cancela pa e aña aki!

ORANJESTAD – E evento popular carnavalesco conoci como Hebbe Hebbe, a keda cancela pa carnaval 69. E organisador Manuel da Silva a confirma esaki pa noticiacla.com diaranson merdia. “Pa motibo cu tin un otro actividad riba e mesun dia, riba e mesun ora, cu e mesun concepto, nos ta prefera di cancela Hebbe Hebbe”, Da Silva a bisa. Cu e otro actividad e kier men esun cu ta tuma lugar den Drive Inn. “Nos ta existi for di 1995 y bo no por pone un otro actividad riba e mesun dia. Nunca esaki a sosode” da Silva a finalisa bisando. Mientrastanto, riba e schedule official di SMAC e ta aparece ainda. 

REGLA DI SMAC

Tin un regla di SMAC cu no por tin mas cu dos actividad riba e mesun dia, y den e caso aki, ta dos evento tabatin programa, cu ta cuadra cu e regla di SMAC, pero den e caso aki, no pa e organisadornan di e actividad di Hebbe Hebbe.