Avion di Delta a aterisa riba parti prome cu e pista na Schiphol

SCHIPHOL – Un avion comercial (Delta Airlines) pa motibonan desconoci, a haci un aterisahe robez y aterisa prome cu e pista. E instancia oficial ‘Onderzoeksraad voor Veiligheid (OVV)’ a informa cu nan tabata na caminda pa haci nan investigacion. 

KICO A PASA

Un vocero di Schiphol a informa cu e parti atras di e avion di Delta Airlines a aterisa riba e parti no asfalta (duro) di e parti Oost di e pista (e pista mas cortico di Schiphol) , cu ta e parti net prome cu e pista mes. E pista a keda afecta y mester a keda drecha y dentro di un ora a drecha esaki. E avion mes a taxi pa e gate y e pasaheronan por a bandona e avion. 

E PISTA

E pista menciona no ta den uso diario, pero debi na e biento fuerte, a dicidi di usa e pista aki.