Dump na Parkietenbos tabata cera diaranson si, y na candela atrobe

ORANJESTAD – Cuater dia despues cu a cera dump na Parkietenbos, diaranson atardi por a mira cu e dump tabata na candela atrobe. No ta conoci ki tipo di candela esaki tabata, ni si e tabata algo intencional. Asina mes por bisa cu e tabata manda huma basta preto. For di activista conoci di medio ambiente Anouk Balentina, noticiacla a ricibi algun potret tambe di e situacion. 

KEHO CU NO TABATA SA DI E CERAMENTO

Mientrastanto mas prome, e mandatario responsabel pa medio ambiente, Ursell Arends a recorda riba su pagina di Facebook cu,- contrario na kehonan haci algun ora prome cu no tabata na altura cu Dump tabata cera -, e mandatario a sigura cu ta for di comienso di 2022 a anuncia cu lo a cera dump fin di e aña cu a pasa. 

BISHITA DI HULANDA

Otro siman e miembro di Tweede Kamer di Hulanda, Jorien Wuite (D66) lo ta na Aruba pa un bishita di dos dia, unda cu un di su metanan y bishita lo ta relaciona cu medio ambiente y e dump di Parkieten bos. E mandatario tabata interesa con a para cu e asunto aki, y lo kier pone su mes personalmente na altura di e situacion. E tin bishitanan planea pa haci esaki pues otro siman.