Como resultado directo di mission recien pa Aruba, Panama a exporta 22 mil liber dipisca pa Aruba

CITY – Panama a exporta como 22 mil liber di pisca di un empresa Panameño pa Aruba e fin di siman cu a pasa, cu ta un resultado directo di un mission comercial realisa fin di november pa Aruba door di e Dirección Nacional de Promoción de Exportaciones del Ministerio de Comercio e Industrias (MICI). Asina e portal panameño TV1 ta raporta. Ademas di e piscanan, a manda 20 caha di papaya fresco, produci pa otro empresa Panameño. 

E MISION

Durante e mission recien di e comerciantenan Panameño pa Aruba na fin di November, un 11 exportado di e sector agroidustrial a concretisa negoshi cu cumpradonan potencial na Aruba, cu tabata segun nan, un excelente oportunidad pa amplia presencia di productonan panameño, pa e destinacion Aruba segun Eric Dormoi, director nacional di Promoción de las Exportaciones. Cu esaki ta mustra cu tipo di biahenan asina ta saca fruto mesora pa e respectivo paisnan.