Dos parlamentario di MEP ta contra decision di Hof pa habri matrimonio di mesun sexo

ORANJESTAD – Dos parlamentario di partido MEP a dicidi pa no warda riba reaccion di gobierno pa cu e decision di Hof di siman pasa pa habri matrimonio di mesun sexo pa Aruba y Corsou. Ta trata di parlamentarionan Marco Berlis y Hendrik Tevreden. Segun Berlis, cada persona adulto por scohe nan preferencia sexual. Pero ora cu ta bin cu lesnan cu ta toca nos muchanan na scol cu apenas ta creciendo cu ta den e mundo cu no por pensa riba e nivel y kier bin cu les cu ta condiciona na pensamento, esaki no por. Esey ta su pensamento riba e problema cu tabatin na algun scol cu kier introduci les riba LGBT+. 

HOF

Pa loke ta e decision di Hof, Berlis ta bisa cu nos tin cu compronde bon den su totalidad kico tur nos ta invitando. E ta sigura cu e no tin nada contra homosexual. Pero ns kier wak e futuro desaroyo di LGBT+ kico ta sosodiendo. Particularmente e plus cu ta e porta cu ta habri tur genero pa procesa na Aruba y aki Berlids ta cuestiona si esaki ta loke nos kier. Si e ley coi forza, automaticamente nos educacion ta bay pusha pa esey contene riba tur nivel, pone material cu for di chikito ta wordo condicona. “ Mi kier urgi gobierno cu ainda no a vocifera kico nan ta bay haci. Nan ta hopi keto. Ami sigur ta vocifera contra e ley aki y ta urgi gobierno kico ta bay haci y con y ki ora ta bay haci”, Berlis a bisa.

TEVREDEN  Hendrik Tevreden a mustra cu e ley a trece un shock den e pueblo unda cu e ley a mustra gobienro kico ta bay tuma lugar cu tin di habri y pasa e ley di mesun sexo. “Ami den mi opnion ta kere cu esaki ta un decision eroneo. Mi no ta di acuerdo cu Gof ta dicidi pa henter un pais” Tevreden a bisa. E no ta condena otro lifestyle. Pero e ta pensa cu nos mes por dicidi pa nos mes. “ Pesey mi ta kere cu ta obligacion di gobierno pa atende cu e caso aki den casatie. E. ta e caminda pa cana y pueblo por vocifera. Nos no ta homofobico. E no ta un derecho humano” Tevreden a finalisa bisando.