Polis a detene 4 persona y confisca arma durante entrada hudicial na Pos Chiquito

ORANJESTAD - Diadomingo atardi un ekipo di Recherche di Playa en conexion cu un investigacion andando a haci un entrada hudicial na un cas na Pos Chiquito. Na dicho cas a detene en total 4 sospechoso. 

3 hende homber: A.R.G. naci na Aruba di 23 aña,

J.C. naci na Sint Maarten di 28 aña,

A.R.G. naci na Aruba di 57 aña y 1 hende muhe W.W.L. naci na Aruba di 31 aña. 

Mirando embergadura di e caso a hasi uzo di e team di aresto.

Na dicho cas a confisca un arma di candela y municion. 

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey   ta pidi si bo tin cualkier informacion yama e tiplijn di Polis cu ta: 11141. Ta garantisa cu bo ta keda anonimo pa bendemento di droga. NOTA: E potret ta uno di archivo di noticiacla y ta sirbi como un ilustracion y no ta refleha e situacion di e caso actual.